說話不流暢...
日期
2006-05-31

謝姑娘

敬佩你的決心和努力!
壓力需要ventilate. 做運動, 食朱古力....
請來探探我吧.


日期
2006-05-27

阿南

為左成為絕世高手, 我會不惜一切, 不擇手段去達成.

最近唔知係咪食得多薯條, 壓力大左, d 口吃serous 左.... o my god.....

日期
2006-04-23

謝姑娘

無可否認, 有些人的語言天份較高, 有些人設計天份高, 有些電腦或數理好些. 有沒有聽過多元智能呢?
以上所提的幾方面能力, 我都麻麻地. 惟有'努力指數是above average'. 想將勤補拙. 你的努力, 加上適合的方法, 離成功不遠啦.
你提到你的篇章理解和敘事困難, 除了言語治療師有計仔, 語文老師也可能幫到你, 我地試下先先唔好將問題講到咁pathological啦.
我識一位超級資深中國語文老師, 看看他肯唔肯拔刀相助, 過幾招俾你.



日期
2006-04-18

電車男

口吃好比彈琴, 有趣的比喻. 一個成功的演奏家是經過很多次的失敗才有一次表演的機會. 我相信每一個演奏家有一個共同優點 --- 有耐性. 半途而廢的人絕不能成功的.

至於你話"打這篇回應比說話辛苦很多", 我又有件事想提
過去, 我常會因要描述一件事而恐懼. 我知我第一次寫一件, 都需要時間去回憶那次的事件. 若寫出來, 我有時間改同組織. 但要我即刻講, 我唔可以好有信心去想出個件事的details同組織它的來龍去脈.
恐懼主要有兩個原因:
1. 無好的組織能力
2. 腦同口唔可以一致發揮力量去表達, 即是個腦想東西時, 口便不想開. reverse
3. 無詞彙, 當我看完一篇文章後, 無論我點樣努力, 始終都無法recall 番入面的vocab出來, 就算我抄下vocab, 我都無法記下那些字. 也許因為這樣, 每次同人表達, 我都唔知有咩好講(無字brainstorm自己) 現在說話愈來愈千篇一律, 無咩野develop.


我試過同研究過好多方法, 想東西從多國度想, 留意多d身邊事物... 最後都是原地踏步.
係咪自己真係無語言天份? 比,平常人更吃力去表達自己呢?



日期
2006-04-09

謝姑娘

'人係咪咩都唔諗, 就無口吃'?
就算是言語治療師, 或者是語言學家... 其實溝通的奧秘, 語言的學習, 腦部的運作.....我們還是一知半解.
'不需太多思考'的情況下, 如數數目字, 說話不流暢的機會較小.
但是,說話是用來表達我們的心思意念, 我們又點可能'唔諗'而說話呢?
我想, 要處理一個問題, 要在可改善的地方著手.
有可行的'說話方法', 有處理'心理障礙' 的法門, 有恆心和時間將這些'板釜'操好.... 這是最起碼我們可以做的.

拿中風後一隻腳軟弱的病人作個比喻.
勉強也可以行到, 慢慢都得, 姿勢未必好...
--有支枴杖, 可改善一點
--指導下如果識用枴杖的正確方法, 會再好些
--如果學識d竅門(例如'好人上天堂, 壞人落地獄', 即上樓梯時好腳上先, 落樓梯時壞腳落先), 又會再好些
--有方法都要勤練習, 才會表現自如
----- 但是, 壞腳是否變得如好腳一樣有力. 可能會, 可能不會! 不過, 只要功能上一樣, 表面上人們察覺不到, 不錯la.

彈琴也是一個例子:
'口吃'好些像一個'識看五線譜但未學過彈琴'的人.
勉強彈到,但很吃力, 多會斷斷續續, 顧得右手顧唔到左手. 顧得音準顧唔到節奏. 叫你當眾表演仲差!越驚又越亂.
-- 有人苦練下也能彈得一首好琴
-- 如果你有跟老師學, 他會教你一些法門, 例如指法的運用, 你會掌握得快很多.
-- 但同樣你必須練習. 練得多後, 手指好像懂得跟你琴譜走, 唔需禁多cpu load. 無練一排, 都不會完全忘記, 當然會差d!
習琴是怎樣的? 天天練, 月月練,天天一小時, 天天兩小時! 練一年, 練兩年, 三年, 四年.....

學說話, 快得多, 容易得多.
一首好琴當然好, 一口好說話是生活的需要.

電車男':有時面對人說話, 種覺比自己上網打字辛苦'.
令我對你們的問題多了一點體會: 我打這篇回應比說話辛苦很多! 很多錯字, 改一次兩次, 有些三四次才對. 人們看到的只是完成品, 我沒有尷尬. 而說話問題就不能遮掩.
我會努力學好中文打字.
一起努力吧. 加油


日期
2006-04-09

電車男

有時面對人說話, 種覺比自己上網打字辛苦. 係咪有口吃ga人都係不憻同人相處呢? 有冇方法可以唔比內心個種不安影響自己ga流暢呢?

最近有個發現, 我叫人做d自己唔鍾意做ga事情, 我便講唔出, 咁係咪表示一個人愛care人感受, 口吃會serious d 呢? 唔care人時說話又好fluent. 有時都幾無奈.

回應上文, cpu load 太大, 真係會有effect. 但係, 人係咪咩都唔諗, 就無口吃, 你就好成功呢? 唔係. 諗又有disadvantage, 唔諗又有disadvantage. 咁應該怎solve?

日期
2006-03-18
家宜 & 俊,你好,
大部分有流暢障礙的人, 都會出現你們的情況, 要知道流暢問題, 實在是一種'複雜'的溝通障礙.它的成因沒有定論, 包括生理和心理的因素.
我們要講出一句說話, 腦袋需要做很多工作.簡單來說, 我們要有一個意思想表達, 我們又要選擇適當的詞彙, 再要串連成一句合語法的說話, 跟着是motor programing, 腦袋需指揮喉嚨發聲,指揮口腔肌肉活動.
我想你們都經驗到, 說話雖然說出來不流暢, 但是你們是清楚知道想說什麼的, 但說出來時就'打結', 所以流暢間題多發生在腦指揮'嘴巴'時出了錯!
當腦的工作量大時, 他的表現就更失準!那樣,什麼時間腦的工作量會變大了?包括你要說較複雜的東西,你需要思考.例如你對話應比讀文章差, 是嗎?
同陌生人講說話時,你的負擔亦更重,再加上你說之前已經害怕,自然會更差.
而那些心理負擔, 很多時是學習得來的, 就是經驗告訴你,同陌生人說話, 我講得會不好,他又取笑我. 有了這個經驗, 下次和陌生人說話,你就變得很害怕,陣腳大亂,腦負擔加重,說出來就更差了.這是一個惡性循環.
所以要改善, 就要克服心理障礙,不害怕會口吃,要懂得'放鬆',不要'緊張'.
講是容易,但要做到, 就很需要你們的努力,其中是學懂一套流暢說話的方法,那你才有'本錢'去放鬆, 去'唔需要驚', 去'慢慢講'!這就是言語治療重要的一環.


日期
2006-03-17

家宜

上次没有說清楚,其實這個病是遺傳的,但其他家人都没有那麼明顯的症狀(和普通人一樣說話),只有我的情況比較嚴重;
我想問現在有没有方法來醫治我們呢...謝謝各位姑娘幫忙!!

日期
2006-03-17
Dear 俊,
很多謝你在這裏分享, 其實這正是這個網上問症區的原意.
我們不是想'你問我答', 而是希望你們在這裏互相支持, 可能是 '網上問症' 這標題誤導了大家, 我們會考慮改一改它.

而分享區, 是一個給治療師和在這裏接受治療的朋友張貼分享的地方. 例如你對你的溝通問題的感受, 又或者在治療中有什麼說分享, 可寫好後send到我們的e-mail, 或交給我們, 我們就會貼上去, 就像一塊壁佈板.
我想還是要積極點邀請你們參與, 免得荒廢了這個分享的地方.

日期
2006-03-15

回上的,我也有妳的問題(跟陌生人說話,就會有口吃(最主要的是如果對方先開口說話,口吃就比較少,但相反就會比較嚴重,家人就不太會)有一點,就是面對一些同年齡or比自己大幾年的人.又比較嚴重(因為會介意別人知道/聽到,會用奇怪or不耐煩的表情),..我想問下.妳也有這情況嗎??

我覺得.如果有一班都是有口吃的人來一起討論or分享..可能會對自己有些幫助..(純粹個人意見)

謝/程姑娘..我想問一個問題,我本來也想當面問妳們,但好像用上堂時間來問堂外的事,好似不對...我想問下...那個分享站幾時會完成...就這樣...


上一頁 12 下一頁
 
名字:
電郵地址:
回覆內容:
驗證碼: